Plantun de Prouvènço

Pèr coumpara dos planto d'encò nostre

Vinca major & Tragopogon porrifolius subsp. eriospermus

Pervènco

Vinca major

Apocynaceae

Àutri noum : Pervinco, Prouvençalo, Piéucelage.

Nom en français : Grande pervenche.

Descripcioun :
Pervènco di gràndi flour bluio, emé de fueio largo de mai de 3 cm, un pau en formo de cor. Li sepalo soun longo e cihado. S'atrobo en ribo d'aigo (ripilsivo) mai peréu dins li baragno e tóuti li relarg un pau fres. Souvènt cultivado, se pòu naturalisa proche dis oustau.

Usanço :
Emai siegue vertuouso, touto la planto es empouisounanto, e pèr acò la fau emplega emé forço avisamen. Di fueio èi tirado de la vincamino qu'èi bono pèr la circulacioun dóu sang e l'óussigenacioun di tarnavello en raport emé lou destrachimen ; s'emplego peréu pèr sougna li léucemìo. La pervènco èi pourtado coume ensigne pèr li mantenèire dóu Felibrige (vèire çai-contro).

Port : Erbo
Taio : 15 à 50 cm
Fueio : alterno
Tipe bioulougico : Camefite
Cicle bioulougico : Planto renadivo

Gènre : Vinca
Famiho : Apocynaceae

Ordre : Gentianales

Coulour de la flour : Bluio
Petalo : 5
Ø (o loungour) flour : 2,5 à 5 cm
Flourido : Printèms Ivèr

Sòu : Ca
Autour basso e auto : 0 à 800 m
Aparado : Noun
Janvié à jun

Liò : Ribiero - Prado umido - Baragno - Esscoumbre
Estànci : Termoumediterran à Coulinen
Couroulougi : Eurimediterrano
Ref. sc. : Vinca major L., 1753

Sarsifi

Tragopogon porrifolius subsp. eriospermus

Asteraceae Compositae

Àutri noum : Salsifi, Racino.

Noms en français : Salsifis blanc, Salsifis à feuilles de poireau.

Descripcioun :
Lou sarsifi trachis d'eici d'eila dins li prado umido proche de mar. Se pòu trouba naturalisa qu'èi cultiva. Es un barbabou di flour roso, grand e verdau. Pamens li petalo soun mai longo (gaire pu courto que li bratèio) e retoumbon pas à la flourido, au contro di barbarbou que podon agué de flour claro.

Usanço :
A li mémis usanço que lou barbabou. Èi cultiva pèr sa racino bèn couneigudo e richo en inulino. Li fueio soun tambèn bono pèr l'ensalado champanello.

Port : Grando erbo
Taio : 50 à 150 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Tragopogon
Famiho : Asteraceae
Famiho classico : Compositae
Tribu : Cichorieae
Ordre : Asterales

Coulour de la flour : Roso
Petalo : >6
Ø (o loungour) flour : 3,5 à 5 cm
Flourido : Printèms

Sòu : Ca
Autour basso e auto : 0 à 400 m
Aparado : Noun
Remarco : Ensalado champanello
Mai à jun

Liò : Prado umido
Estànci : Mesoumediterran
Couroulougi : Estenoumediterrano-Nord
Ref. sc. : Tragopogon porrifolius subsp. eriospermus (Ten.) Greuter, (= Tragopogon eriospermus Ten., 1823 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

RRR

ges

Vinca major & Tragopogon porrifolius subsp. eriospermus

Coumpara Pervènco emé uno autro planto

Coumpara Sarsifi emé uno autro planto